今晚的菜好簡單,有炆豬手及雜菜。
炆豬手當然不簡單,只是這個菜式是我媽媽臨出發前做的,我只是將它加水炆多三十分鐘,加入冬菇,待豬手軟身一點後,再加適量蠔油及豉油調味,不過也要經兩次試味才合心意。這個味道沒太大問題,不過可能曾經加水再炆,味道沒媽媽煮開的那麼惹味,不過也蠻不錯的了。
另一個菜是椰菜為主,再配以紅蘿蔔、粟米仔、磨菇及烟肉來作一個雜菜大會。媽媽叫我用蒜頭及少許油起鑊,之後便可以炒菜。但炒了一段時候後,我發覺菜邊開始有少少燶,於是便加入滾水煮,但可能加了太多水,而且我覺得椰菜還很生的樣子,於是便加蓋煮了一會。之後將所有配料加入菜中再煮。但因為總共煮了太多時間,所以吃時覺得椰菜太軟,烟肉也有點韌。口感較好的是粟米仔及紅蘿蔔,磨菇當然沒有問題了。
今晚煮的飯份量差不多,但太軟身,有點爛,可能因為媽媽換了電飯煲的關係,下次可以少下一點水。
總括來說,因為放工回家煮飯的關係,時間有點趕,而且對於我這個新丁來說就更加手腳不協調了,結果用了不夠一個鐘就可以吃到,算是不錯了。不過,在煮食後期,終於發覺媽媽很厲害,除了一直我也覺得她廚藝很好外,廚房那種熱力真是令人待多會也受不了,真佩服她呢!
我打算星期三再煮,可能會滾湯。:p
均衡營養 :p
其實煮雜菜冇乜所謂點煮,
不過椰菜比較容易熟, 其實唔使咁早落… 應該煮紅蘿蔔先會好d… 然後係粟米仔, 蘑菇, 椰菜, 最後落煙肉 (你咁煮法塊煙肉應該會冇晒d味喇 :x) 調完味兜完菜之後可加蓋煮 (轉中火), 咁就可以將菜裡面o既水份迫出來, 你唔使落水的…
但如果要加水的話落凍滾(開)水就ok, 唔使落滾水的..
但唔落水好似會燶咁, 乾炒…
我一野就倒晒d菜落去煮 :p
不過我見椰菜d’骨’好似好大舊, 諗住好難煮軟添….
係呀,我都覺得阿媽好勁,竟然可以係咁細既地方井井有條咁煮出咁多好味既菜色 =)~
係呀, 我昨晚只煮兩個食送都有點雞手鴨腳 :p